ماه بهمن

ای بهمن، ای گوزل آدی عشاق اوچون دوا

سن شانلی سان اولار سنه عشاق مبتلا

بیر آیدی کی داماردا قانی قیندر آدی

یادان چخانلاری تازادان قیترر یادی

هم غصه لی حوادثی وار هم صفاسی وار 

بهمنده چوخدی خاطره چوخ ماجراسی وار

ایران جوانلاری چوخی قانه بله شدیلر

بو غمده چوخ آتا آنا ناله مه لشدیلر

زحمت چکیلدی دوشدی چوخ انسان مشقته

صبر ایله دی مبارز اولانلار بو زحمته

جاننان گچنلر ایلیوب، ستمیله مبارزه

القصه یاخچی حاصل اولوب کام دل بیزه

باب کرم آچیلدی او پروردگاردن

صبحین علامتی وریلیب کردگاردن

والفجره سوره سی تازادان ایلدی نزول

کفر و نفاق و ظلم چراغین ایدوب افول

موسای وقت تا قدمین قویدی ایرانا

تکبیربانگی ظلمین اوین قویدی ویرانا 

جاء الحق آیه سی ذهق الباطل ایلدی

موسی عصاسی سحرلری باطل ایلدی

بازنده لر کرخدیلا باهم سواشدیلار

اودلی نتیجه بوشلیوب ایرانی قاشدیلار

ظلمت قوتاردی صبح وصال اولدی آشکار

انصافاً آیه ی الصبح گوزل اتدی شاهکار

صبح اولدی نور چولقادی ایران ولایتین

کامل ادیب اوگونده خدا اوز هدایتین

درگاه ذی جلال خداونده حمد اولا

اسلامی بیر حکومتی مردم سالوب یولا